M Frame – Bas Satelitte

Cet article est écrit en créole

Le site y appelle 974 attitude et pourtant faut pas dit y parle un tas band l’attitude du 974. Alors sur notre jolie petite île de la réunion néna un mode que mi pense y démodera jamais. C’est le fameux M Frame complet lacoste, ou sinon M Frame bas satellite. Franchement mi lé pas du tout fan band bas satelite alors la pas du tout mi aime pas sa té. Un gars en complet Lacoste ou en Sergio, y passe mieux.

Alors un M Frame en théorie c’est un lunette de soleil mais ce M Frame la ou retrouve à li partout. En quelques sorte ou peu trouve a li un vendredi soir ou un samedi soir moulin, su la tête un gars lé en train de fait « Psssttt Mademoiselle », ou « Mademoiselle ou lé ravisante » enfin band ti blague, band gars da kour y manie bien. Sinon ou peu trouve à li aussi un jour ou la pluie y totoche. Généralement lé jamais bon tire M Frame sur le z’yeux un gars, le band gars lé parano band na y calcul ou sa vole zot M Frame. Lé possible ou gagne un cosement du genre « Li lé bon la oussa li lé » ou « A coz ou veut garde mon lunette ? ». Bon y arrive le gars y prête a ou son lunette pou garder, mais faut ou garde pendant 30 secondes, sinon le gars y sa dit a ou rend son lunettes et si ou rend pas bin la li sa commence énnervé du genre « Rende lunettes la té » et fait pas la farce cours avec juste pou plaisanter, par ce que ou risque gagne coup de boté aussi.

En plus de ça la majorité le band gars en M Frame, quand y arrive a zot enlève zot lunettes bin dessous lé un p’tit couleur rouge et zot z’yeux lé bridé. 😀 Aller ose dit a moins non ? Dit à moins que la plupart le band gars zot la vue enlève zot M Frame, n’avais point un l’air avoir fait un p’titi tour ek Jah. xD

Sinon à part ça c’est quoi zot style ?