Alain Peters – Rest’ la Maloya

21 décembre 2009 | Lecture de 2 minutes

Pier, Paul, Jak ek Jozeph
carro, pik, kèr, sanm trèf
té parti fé kampagn
pou sé pa kel charlemagne

garoté dan in bel pagne
grymp la ho la montagn
kom sel résolityon
fann zot dépitatyon

zot té baign dan likompréantyon
ke lété vrémen total
nou té ki di « sa ban la pa normal »

vautré si la plaze la Rényon
ou byin dan sité béton
kantité la moral zot té i aval
malgré zot figir lendemin kou de ven
té vé voir kossa navé pli devant
Rest la maloya, rest la minm

Mon ti momon gaté
Doulèr la di pasé
pou avoir fé a mwin
oui ton garson Alain
Néna ossi mon fille
le tite Ananda Davy
la konnu son papa
Su le mars le plis en ba

Pa tou pa tou les zours
mwin lété pou twé in bon soutyin
mi arkonné ke mwin la fé plis de mal ke de byin

Marco bompé noré zamé fé
set twé la fé pou mwin
kan twé la ramass a mwin dan somin

Fo pa kolle kouplé ek le refrin
san tro rode ki koté sa i vyin
Rest la maloya, rest la minm

Mi di té pa facil
ban pensé pa docil
fo l’abordaze pesé
ryin ke pou cominié

Pren pa ou pou gorile
ou vé artrouv out lile
pa tro martirisé
ek toute ladilafé

Osi zordi mi vé byin saye
rale in kou si le refrin
pa si to borde le rhum ek toute le vin

Bon Dyé aster na ryin ke ou
pou tire a mwin dan ce mové trin
mi préfér larg mon l’ame dan out la main

Mi koné pou mwin sra dificil
mé mi voudré pi artourn lazile
Rest la maloya, rest la minm

Inscris toi pour rester informé



Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Pseudo *

  1. 01 04 17
    Nicolas

    Je viens de découvrir Alain Peters par hasard dimanche dernier(26/04/17) en regardant sur RFO une émission qui lui était consacré.
    Cet homme m’a vraiment touché, je me suis senti très proche de Lui, sa musique ne cesse de raisonner dans ma tête.
    J’aurai aimé le connaître de son vivant, j’ai 50 ans cela aurait pu se faire et entre sensitif on se serait compris !!!

    Ta Musique est Magnifique Mon Frère Réunionnais !!!